EI FIMKHUR A NGAI

 

1. Ei ramsunga tribal certificate ei peksuok dan hi ei fimkhur tawk hleah i ngai am? 

2. Ei ramsunga sin chi hrang hrang haiin sin thaw ding an lak hlakah hai hin tribal ni lo tribal certificate lo nei an um hlak ding am?

3. Ei ramsunga Kohran hrang hrang hai hin hnam dang tribal ni ve lo ei ramsung a um hai ringtu a ei siem hin Hmar hming, hnam hming hai ei phuok pek vet a, hi khawm hi nakie pei a thil pawi thei a nih. An hnam an nina ang angin Pathien chu ring ve el raw hai seh. Suk Hmar kher hi ṭul ei ti am? Hnam dang Kristien a inlet, Non-Hmar hai laiah Hmar hai laia thlatlumna dingin Hmar hming le hnam nei an um nuol. Raju Khawbung, Jallal Uddin Ṭhiek etc.

4. Schedule Tribe ni lo ei ramsunga sin thawa um Central Govt, State Govt, PSU, PSB etc hnuoia sinthaw hai laiah an nauhai tadingin nakie hnunga an hamṭhatna dingin tribal certificate lo nei khieu hi a um thei ding am?

5. Inchukna In hrang hrang hai hin an school naupang hai anga mi tu amanih Testimonials pek hi fimkhur hle a ngai.

6. Hmar tlangvalin hnam dang nunghak nuhmeia a nei chun a nauhai chu danah hril buoi thei um ṭhak loin Hmar an ni nghal. Hmar nunghakin hnam dang pasalin a nei chun a nauhai chu Constitution of India in a nu hnam ang Hmar hnam (tribal) an ni a phalpek naw leiin tribal hamṭhatna an dawng thei naw a, an pasal hai ngat lem chu hrilin a phak naw hiel anih.

6. Nau dinga lak (adoption) in a huom ve lo hnam dang puitling vawng tah mani nau anga lo tiem dam, an hming, hnam hming chena lo phuokpek pei hi ieng dan khawmin a phalpek theina lai a um nawh ti hi ei hriet a ngai. Hieng ang thil thaw lo hriepuitu hai hi Hmar pawi an tawk bakah Sorkar sinthaw, NGO etc hai khawm dan bawsie an nih ti hriet a ṭul.

Nuhmei / Pasal ah eini mi ngei nei tum hram hram ding. A thei hlawl naw chun, ei tribal chanpui bek.